|
| 星期一    
自九月去完旅行返0黎, 生活又開始繁忙起0黎, 日又做夜又開會, 星期六日又要抽時間趕paper,
一有時間就鼠去HKU Library搵書, 好在... 圖書館好近Mag屋企, 搵完書又可以去見下佢, 拍下拖!
雖然呢排個腦都冇咩位去放其他0野, 不過我仲知道我要抽時間, 為我同Mag 0既一周年打點, 仲
有, 要籌備12月陳Mag 0既生日, 有同事曾經問："做咁多0野, 你祈望0既係...!?" 其實所有0野都係
一字咁淺, 我唔係祈望陳Mag都一樣要對我好, 因為佢本身都對我好, 我自然會對佢好. 拍拖係互
動, 唔會有一方可以stand alone, 獨自享受另一方對佢0既好~ 最近個個都問我 "2013" 呢個hot topic, 其實做咩要等2013呢? 因為我想有個好基礎, 好讓婚後0既
陳Mag可以開開心心, 無憂無慮! 呢個係我同陳Mag拍拖後, 第二個要求自己要達到0既目標~ 
等0左成年, 又有機會上文仔魚排同班好朋友gathering, 雖然孖T同Mandy有家事突然0黎唔到, 好
在仲有幾個膽0係度, 今次我仲invite埋澤民, 又拖住陳Mag上去玩, 反應唔錯, 大家都笑到暈低! 雖
然呢次Halloween活動斬下眼就完0左, 但大家仍然好回味! 
2-11-2009  ----------------------------------------------------------------------------------------------------------------------------------------- | | |
| 星期二  
仲記得上年呢個時候, 懷住一棵灰心一條友拿住架LX3走去情陷夜中環, 大概相片真係可以反映出
人0既心情, 相片可以出賣拍攝者, 無論開心, 傷心, 痛心... 通通都會0係相片中呈現.
今年呢個時候, 灰心已經唔可以再透過我0既相片延續, 講到呢度, 只有一句 "在心中". 再多講, 都係
冇用, 細意品嚐每一幅凍結0左0既畫面, 比任何事情更享受~ 多謝陳Mag! 
最近見LAW友痕痕0地, 訂0左架 "GF1" 玩下, 鬼叫自己鍾意玩定焦... 而且LX3個拍片功能已經滿足
唔到我, 所以我決定... 好好享受同一時間擁有兩個女朋友(陳MAG+GF1)0既呢一刻.
我求0既, 並非好相, 我只想不斷追逐自己想要0既拍攝感覺. 去相~ 
同場加影, GF1拍片測試~
6-10-2009 ----------------------------------------------------------------------------------------------------------------------------------------- | | |
| 星期四    一連五日, 投入另類東京, 沒有shoppping掃貨, 沒有大吃大喝, 只有手執相機. 兩口子走盡各處沒有
香港人的角落, 看盡民間傳奇. 
~ 鐵道博物館。感受日本人對火車0既認真
路途雖遠, 但可以一次過見晒所有舊火車, 感覺興奮而且新奇. 原來日本人做火車, 係用0左咁多
心血. 雖然自己唔係日本人, 但旱已被0個種熱情同化! 
~ 明治神宮。願望成真
諗唔到0係潮爆0既原宿竹下通旁, 有一處咁令人喜出望外0既大樹林. 一座又一座0既高大烏居, 滑
滑0既木身, 置身其中, 城市人0既煩惱頓然一洗而空. 希望... 陳Mag許0既願, 可以一一達成! 
~ 巧遇。幸福之日式婚嫁
估唔到, 0黎到2996公里以外0既東京, 可以親歷一次日式婚禮. 享往婚姻生活0既有心人, 最能被呢
一刻感動。 
~ 王子電車。都電荒川線
160Yen, 30個車站, 12.2公里0既車程, 看盡東京最地道0既一面. 
~ 貴族之地。日本皇居
踏足皇居, 百年宮殿城牆, 護河拱橋, 一一活現眼前. 陣陣清風, 忽然貴族, 真係要好好享受! 
~ 車迷。天地
走入車天車地, 即時血脈沸騰... 
~ 幸福。摩天輪
幸福摩天輪, 無須等到天方地老... 900Yen一個人, 即上! 
~ 新橋。養老乃瀧
雞燒物... 厚燒豚肉... 豚肉沙律... 天津炒飯... 火車橋下... 言語不通... 完全日式風味的組成部分! 
~ 淺草。雷門寺
一期一會, 點都要拜會一下, 目的係要探求人生玄機. 
~ 招財貓發源地。金戶神社
金戶神社, 招財貓0既起源, 強烈0既卡通感覺, 大概係我已經將招財貓同卡通人物混為一談. 專
程一行, 獲益良多. 
~ 堵上寺。與東京鐵塔
要到增上寺, 係因為從google map中得知佢正正座落於東京鐵塔旁. 親身來到, 新舊強烈對比的畫
面, 十分震撼, 非文字所能形容. 
~ 漫步。新宿卸苑
行程最後一站, 來到新宿卸苑. 原來以前皇室0既花園, 係可以咁大... 咁靚! 臨走時, 仲巧遇一群小
學生不斷向我0地講日文, 介紹佢0地所執到0既果實... 呢次經歷, 正好為我0地0既旅程畫上完滿
0既句號. 
↓ 如果相片唔夠吸引, 仲有我親手炮製0既video可以欣賞 ↓
10-9-2009 -------------------------------------------------------------------------------------------------------------------------------------- | | |
| 星期日   (LX3 攝)
 終於有機會返0黎呢個平台share一下... 呢陣子已經唔記得自己係點樣過生活, 忙碌生活一直將我由
5月綑綁到8月.., 成個人都overload 0左, 唔止我, 仲有身邊0既同事都好爆. 冇咩私人0野做過, 記得0既
然只有工作上0既細節, 出書... 擺booth... event... 出影相job... 訪問... 申請乜, 申請物... 開會... Email...
政治, 成個心靈都升華0左, 賺0左~ 本以為一切已經過去0既時候, 冇啦啦又要負責一個高層farewell party 0既video製作... 攪完一大輪, 畀
人睇完又要改一大輪... 當我又以為一切已經完成0既時候, 上星期又畀人叫做呢個party 0既M.C. ...
唉! 好在最後都good show... 我都係打份工, , 我真係想抖下... 下個星期就放我一年難得一次0既"大
假", 太煎熬. 對於我呢D工作狂0黎講, 從未試過有一個咁 "等放假" 0既心情~ 好喇, 放過我吧... 私人0野... 又唔係完全冇記憶0既, 因為仲有陳Mag陪住我! 呢排真係佢又忙我又爆... 一個星期只得星
期六日會見下, 有D "保外就醫" 同家人見面0既感覺一樣... 提外話, 上星期食到兩晚陳Mag煮0既飯,
感覺唔錯, 畀我想像中好食, 可惜冇影相... 陳Mag最近由直髮變0左曲髮, 一個月又由曲髮變返直髮... 都係我衰, 口多!
呢頭曲髮, 睇怕短期內都見唔返... (LX3 攝)
 講開頭髮, 最近身邊有位女士0既頭髮開始長, 佢就係7個月大0既外甥女喇! 已經唔記得係幾時... 家
姐吹雞0係酒樓同佢攪一個 "7個月生日會", 好在LX3 0係身, 又拍到好相~ (LX3 攝)
 
上星期剪輯0左幾段關於梓瑩小朋友0既clip, 希望家姐姐夫鍾意~ (LX3 攝)
一個月前終於實踐0左我0既承諾... 匯豐賺到就買0左佢! 陳Mag都有份~ 正!
最記得老細有日0係房大叫出0黎: "Dick, 你應該發0左達囉喎!" , 因為佢知我幾多錢入... (LX3 攝)
 陳Mag前排送畀我0既細架版Abarth 500, 之前架大架版又係佢送, 佢話要儲埋一對先開心喎~ (LX3 攝)
 持續0左將近3個月0既Tomica車仔補購計劃已經接近尾聲, 總算搵得返好多失去0左0既款式, 諗返起
呢段路認真難行... 不過好滿足! 辛苦陳Mag陪我周圍搵... (LX3 攝)
 
尋日終於忍唔住買0左兩架日本的士返屋企, 真係好鍾意!!! 鳴謝陳Mag讚助! (LX3 攝)
 最後, 想講下一D攝影0野. 最近有朋友表達, 我叫佢買0既LX3影唔到滿意0既效果, 老實... 我上面0既
相清一式用LX3影, 我唔想大家有一個錯覺, 用靚機一定可以影到靚相... 呢個絕對係大錯特錯, LX3
只係一件 "利器", 要好好運用, 佢先至會變成一件真正0既"利器". 如果你day one已經認為佢要幫你影
到大作靚相, 對唔住... 佢係唔會幫你, 你亦唔會成功, 因為... 中間冇默契存在! 我講0既默契, 係你要
去了解佢, 去研究佢. 手上有LX3 0既朋友仔, 好好enjoy~ 30-8-2009 ------------------------------------------------------------------------------------------------------------------------------------------ | | |
| 星期五  
呢陣子... 日子認真難捱, 日本高速倒數, 工作令身心都好疲累, 心境彷彿又到達0左另一個層次. 呢
排仲忽略0左陳Mag, 好在佢好體諒我, 仲幫我打點一切. 快D捱過埋呢段高峰期, 又可以同陳Mag去
relax下喇! 等埋呀...
 同一個高峰期已經經歷第二次, 唔覺唔覺又過0左一年, 過去一年0既唔開心通通畀開心蓋過. 大部份
0既記憶, 唔係陳Mag, 就係工作... 第一次走入立法會大樓做interview~
 上總部開會0既車程上, 遇上wifi巴士...
 同陳Mag繼續拎住LX3周圍遊覽拍攝~
 不過... 呢個月仍然都係要繼續乖乖地對住呢個雜亂不難堪0既工作台... 衝埋最後3個關口先!
 終於儲齊成套小丸子文具版... 話易唔易, 話難又真係唔難, 因為有陳Mag, 定姐, 仲有媽咪日日
幫我撲印花, 如果唔係都唔會咁快攪掂!|
 上星期美苛樓開放日, 約埋陳Mag一齊去影相.
 
26-7-2009 ----------------------------------------------------------------------------------------------------------------- | | |
|
